2023-yilning 22-dekabr kuni Nizomiy nomidagi Toshkent davlat pedagogika universiteti akademik litseyida Yangi yil bayram tadbiri tashkil etildi. Unda akademik litsey o‘quvchilari tomonidan qiziqarli viktorinalar, tanlovlar, musiqiy lavhalar, sahnasi chiqishlari namoyish etildi. YANGI YIL barchamiz uchun omadlar va muvaffaqiyatlar yili bo'lsin!!!
Bugun Oliy ta’lim, fan va innovatsiyalar vazirligida akademik litseylarning ta’lim yo‘nalishlari bo‘yicha chuqurlashtirilgan fanlaridan ikki yillik ta’lim tizimi uchun ilk bor tanlov va buyurtma asosida yaratilgan 18 ta fandan 38 nomdagi darsliklar mualliflarini taqdirlash marosimi bo‘lib o‘tdi. Unda vazirlik mas’ul xodimlari, darsliklar mualliflari hamda akademik litseylar ijrochi direktorlari onlayn va oflayn shaklda ishtirok etishdi.Nizomiy nomidagi Toshkent davlat pedagogika universiteti akademik litseyining Ona tili va adabiyoti fani o’qituvchisi Botirova Soliyaxon Ro’zivoevna ushbu darsliklar mualliflaridan biri sifatida mazkur tadbirda ishtirok etdi.