Oʼzbekiston Respublikasi Vazirlar Mahkamasining 2018 yil 25 oktyabrdagi “Oʼquvchi va talaba yoshlar oʼrtasida oʼtkaziladigan respublika sport musobaqalari tizimini yanada takomillashtirish toʼgʼrisida”gi 864-son qaroriga muvofiq har ikki yilda akademik litsey va professional taʼlim muassasalari oʼquvchi-yoshlari oʼrtasida anʼanaviy tarzda oʼtkaziladigan Respublika “Barkamol avlod” sport musobaqalarining “Badminton” sport turi boʼyicha Toshkent shahar bosqichi boʼlib oʼtdi.Mazkur sport musobaqasida Nizomiy nomidagi Toshkent davlat pedagogika universiteti akademik litseyidan 4 nafar oʼquvchilar ishtirok etdi.Musobaqada Toshkent shahridagi akademik litsey va professional taʼlim muassasalari jami 11 ta jamoa ishtirok etdi. Musobaqa yakunlariga koʼra akademik litseyning 2-bosqich oʼquvchisi Qoʼchqorov Аbdulaziz Ilyos oʼgʼli faxrli 3-oʼrinni (oʼgʼil bolalar oʼrtasida), 1-bosqich oʼquvchisi Eshnazarova Sarvinoz Xayrulla qizi faxrli 1-oʼrinni (qiz bolalar oʼrtasida) egallashdi.
