Nizomiy nomidagi Toshkent davlat pedagogika universiteti akademik litseyida ingliz adabiyotining buyuk namoyondalaridan biri Jane Austenning “Andisha va g’urur” romani asosida ingliz tilidagi kitobxonlik kechasi bo’lib o’tdi. Tadbir litseyning ingliz tili o’qituvchilari Eldor Matkarimov va Nargiza Mardiyeva tomonidan tashkil etildi. Unda o’quvchilar o’z bilim va ijodkorlik qobiliyatlarini namoyon etishdi. Tadbirda kitob haqida turli ma’lumotlar, ushbu asar asosida yaratilgan “Andisha va g’urur” (Pride and prejudice) filmidan parcha hamda o’quvchilar ishtirokidagi ajoyib sahna ko’rinishi namoyish etildi. Shuningdek, qiziqarli o’yinlar tashkil etilib, barchaga yuqori kayfiyat ulashildi. Kitobxonlik tadbiri o’quvchilarni mutolaa orqali o’z dunyoqarashlarini kengaytirishlari, kitoblar orqali dunyoga o’zgacha nazar tashlash va o’zlari uchun yangi olamlarni kashf etishlariga ruhlantirdi.
